A moitos de nós xa nin se nos pasaba pola cabeza poder revivir aquelas vacacións de Nadal que fai máis de dez anos nos mantiñan ocupados facendo teatro: ensaios, nervios, enfados, berros, "non hai tempo suficiente", "o decorado non esta listo", "fáltame a roupa"… a verdade é que despois de todo este tempo nada cambiou, seguimos sendo aqueles nenos con nervios, con pouco tempo, con problemas co decorado e como non, con enfados e berros!!
Pois benditos enfados! , benditos berros! e benditos nervios! porque se acaban transformando en ilusión, orgullo e recompensa compartida.
Despois de tres representacións son poucas as palabras para agradecer as case 400 persoas que nos regalaron unha hora e media dos seus sorrisos e aplausos, non se pode explicar a gratitude que se sinte cando estás subido o escenario e todo un salón ovaciona ó unísono!!
Todo isto foi, sen dúbida, un aliciente para seguir en esta industria de crear bos momentos.
VIVA LOURENZÁ, VIVA O CONDE SANTO E VIVA O TEATRO!!!
E. López